Bertizaranako bailara, Malerreka eta Baztanen artean kokatzen den haran txikia da, erran dezakegu, Baztan-Bidasoaren bihortzean kokatuta dagoela. Legasa, Narbarte eta Oieregiko herriek osatzen duten udalerria da hau, denak Bidasoa ibaiaren bazterrean kokatzen direnak. Baztan ibaiak Bertizanan sartzean hartzen du Bidasoa izena. Bailarako herriak udal bakarra dute, Narbarten kokatuta dagoena.
Bertizarana, Nafarroako bailara kantauriarretako baso natural zabalenak kontserbatu dituen harana da. Hau dela eta, Bertizko Jaurerria Natur Parkea da zalantzarik gabe bailarako leku erakargarriena bisitarientzat. 1.984. urtean Parke Natural izendapena jaso zuen honen jabeak zirenen nahia jarraituz, eta egun 2.040 hektareako zabalerako basoa da. Oieregin kokatuta, pago zaharrek hunkitu egiten dute, baita urteetan berdin mantendu diren harizti zabalak ere. Magiaz beteriko lekua da Bertiz, baso sakonek eta naturaren edertasunak hunkitu egiten dute bertan.
