Informazio orokorra
Bailara: Baztan
Biztanleak: 135
Berroeta, inguru politean aurkitzen den herri txikia da. Erran dezakegu, Almandozekin batera Baztango “azken” herrietarikoa dela, Belate mendatea du bertan, hain zuzen ere, Baztan-Bidasoa eskualdearen muga hegoaldean. Martin Luis Etxeberriaren sorterria da Berroeta, brigadier karlista izandakoa gerran eta baita Baztango alkatea ere.
Argazkiak
Bestak
Herriko bestak: Mendekoste egunean ospatzen dira (maiatzean edo ekainean).
Interes turistikoa duten lekuak
Iriarte Etxearen armarria
Herriaren sarreran harriz egindako lan ikusgarri hau dago. Herriko esku-langile batek, Jose Lorenzo Rementegik, irudi zoragarriak landu zituen, eta ondoan testua jarri zien.
Eliza
Herriko eliza Tourseko San Martinen ohoretan eraiki zuten eta arkitektura zaindu eta ederra du.
Megalitoak
Herriaren ondoan, Eneolito-Burdin Aroko hobiak daude (K.a. 2650-350). Trikuharri, tumulu eta harrespil itxurako hilobien ondoan, harlauza handi batzuk daude zutik: zutarriak, funtzioa eta esanahia argitu gabe duten elementuak. Ibilbidea, Sorotako tumulutik, Soateko trikuharritik, Urdintzeko zutarritik eta Elorregi eta Izkoako harrespiletan barrena doa.
Zerbitzuak
Kokapena
Informazio gehiago
Baztango Turismo Bulegoa (Elizondon)
Foruen Plaza, Elizondo
Tel. 948 581 517
Baztango webgune turistikoa
Baztango Udala (Elizondon)
Tel. 948 580 006