Informazio orokorra
Bailara: Baztan
Biztanleak: 442
Oronozek bi auzo ditu, Mugairi eta Zozaia. Mugairi auzoa Baztanen sarrera dela erran dezakegu, Bertizko Jaurerria Parke Naturalaren sarrera ere bertan dago, Mugairiko gasolindegiaren ondoko zubian. Zozaian aldiz, Baztango dorretxe zaharrenetarikoa aurkitzen da.
Argazkiak
Bestak
Herriko bestak: Abuztuaren 15ean ospatzen dira, Jasokundeko Andre Mariaren ohoretan.
Interes turistikoa duten lekuak
Zozaiako jauregia
Zozaia auzoan dago eta XVI. mendeko jauregi ederra da. Baztango dorretxerik zaharrenetakoa da eta egiturari erreparatuta, gotorleku eta jauregi arteko eraikina dela erran dezakegu. Honek, Zozaiako jaunaren armarria du.
Arretxea jauregia
Jauregia ez zen Nafarroako antzinako nobleziaren leinu-etxea, 1675ean eman zioten leinu-etxe titulua. Egiturari erreparatuta, Baztango nekazari etxaldeena da, baserri-arkitekturako xehetasunak eta bertako harri landua ditu.
Gontxea Etxea
Arkitektura aldetik eraikin berezia da; egitura horizontaleko aurrealde asimetrikoa eta bi isurialdeko teilatua, horietako bat bertzea baino nabarmen luzeagoa. Fatxadako armarria ere bitxia da, Bertizaranako armen irudia baitu.
Eliza
Jasokundeko Andre Mariaren ohoretan eraiki zuten. XVII. mendeko eredu bat hartu, eta haren gainean moldaketa ugari egin zaizkio.
Zerbitzuak
Kokapena
Informazio gehiago
Baztango Turismo Bulegoa (Elizondon)
Foruen Plaza, Elizondo
Tel. 948 581 517
Baztango webgune turistikoa
Baztango Udala (Elizondon)
Tel. 948 580 006